Boerejongens

Boerejongens

Boerejongens is iets wat eintlik van Nederland sy ontstaan gehad het. Ek het so bietjie probeer navorsing doen tot waar die idee sy onstaan gekry het en nogal op Google af gekom op ‘n Kanibabis winkel in Utrecht in Nederland…so ek moes maar verby hou…ek het natuurlik heerlik geglimlag. Hoe die jonges heel gekoring uit daardie winkels stap. Elk geval…die Boerejongens wat ons ken het natuurlik ook hierdie uitwerking op die gebruiker indien dit in oormaat geneem word…veral as oupa die bottel by ‘n kamp oop vergeet en die klein kindertjies begin smul…dan sit mamma’s met stoute kindertjies. Ek dink tog dat daar ‘n verband is tussen Rumtopf en Boerejongens met die dossering van alkohol en vrugte met baie suiker. Vir hierdie resep is Hanepoot die eerste keuse en daarna Sultana’s omrede die suikerinhoud so hoog is.

750  ml brandewyn
500 g hanepoot of sultana druiwe korrels, jonk en mooi plomp
100 ml bruinsuiker per bottel wat gevul word

Verhit ‘n kastrol met water en sodra dit kook blansjeer die druiwe vir presies 1 minuut en plaas in 345 ml glas bottels en maak seker dit pas stewig teen mekaar. Voeg dan 100 ml bruinsuiker oor die druiwe en vul die bottel tot bo  vol met brandewyn. Laat die bottel vir 3 maande staan voordat dit gebruik word.

2019-02-15T21:06:02+00:002 Comments

2 Comments

  1. annelieb February 16, 2019 at 2:53 pm - Reply

    Baie dankie. Ek gaan beslis mawk vir die vakansie. Waardeer jou moeite.

    • Annelien February 17, 2019 at 12:01 pm - Reply

      Groot plesier en geniet…met eish..hehe. Groete Annelien Pienaar

Leave A Comment

This site uses Akismet to reduce spam. Learn how your comment data is processed.