Blomkool en Brokkoli bredie

Blomkool en Brokkoli bredie

Boompies ala die Filistyne! As ek vra watter sout groente die ouens wil eet dan is dit of Groenboontjie bredie of Boompies.  Hierdie is ook die groente van keuse vir my gesin omrede Brokkoli soveel vitamiene en minerale bevat. Daar is meer Kalsium in brokkoli as in ‘n glas volroom melk! Verder bevat brokkoli ook antioksidante wat vrye radikale soos kankervormde substanstanse teen werk. Boodskap vir ons almal…eet berge brokkoli!

In hierdie resep fokus ek op die gaarmaak metode van die groente sodoende die voedingswaarde behoue te laat bly. Jy het geen snaakse of ekstra toerusting nodig om groente op die outyds manier gaar te stoom nie. ‘n Dood gewone kolander of sif wat bo-kant kokende water hang (nie in die water) sal ook dien.

2 x Witsous Bêre mengsel p.211
500 g brokkoli in kleiner blomme gebreek
500 g blomkool in kleiner blommer gebreek
300 g wortels
1 k cheddar kaas (opsioneel)
3 e Groente Sout p. 211
½ t neutmuskaat
1 t dill tippies, gedroog (Cape Herb ‘n spice of Woolies)
Sout en peper na smaak

Voorverhit oond na 180 ℃.

Plaas net genoeg water in ‘n kastrol waarin ‘n sif of kolander gemaklik sal pas sonder dat die bodem die water raak. Maak seker daar is ‘n deksel wat ook dig oor pas. Laat die water kook en voeg dan eers die wortels by en stoom vir 5 minute. Voeg daarna die blomkool en brokkoli by en stoom na gelang van brosheid wat jy verkies.

Berei dan die witsous voor terywl die blomkool stoom. Maak die medium dikte sous aan en geur die sous met helfte van die groente sout, neutmuskaat en dill tippies…sout en peper na smaak.

Sodra die groente gereed is, plaas in oondvaste bak en giet die witsous oor. Sprinkel cheddar kaas oor en bak vir 10 minute tot gesmelt of bedien die gereg dadelik indien kaas nie gebruik word.

Bron: Annelien Pienaar, 2018
Hoeveelheid: 4-6 porsies

2018-01-26T12:54:05+00:004 Comments

4 Comments

  1. Marie Antoinette Voges March 1, 2018 at 1:39 am - Reply

    Baie dankie vir resepte. Bring weer asseblief die opsies, PDF en Print, aan op bladsy om resepte af te laai of te druk. Baie dankie.

    • Annelien March 1, 2018 at 6:06 am - Reply

      Hallo Marie Antoinette, jy kan deur net te copy en paste die inligting ook so stoor. Tans werk ons nog aan daardie funksionaliteit. Jammer vir die ongerief. BKT groete Annelien

  2. Anri Britz March 15, 2018 at 9:27 am - Reply

    Annelien, ek sien ‘n wonderlike geleentheid vir jou! As Ina Paarman dit kan doen, kan jy dit ook doen. En ek sal dit so geniet en waardeer as ek jou groentesout kan koop in die winkel. So ek hou duim vas dat jy goed soos jou witsous beremengsel en groentesout en ander produkte wat gesond is, hopelik in die toekoms kan bemark! Dis net ‘n idee, want vandag het ek so gewens ek kon jou groentesout vir hierdie resep gou gaan koop. My tyd is min en ek wou die maak, maar die sout is nou ‘n probleem vandag. Baie dankie vir al die wonderlike resepte! Die wereld kort meer mense soos jy wat gesondheid in kos bevorder! En baie meer sulke tipe produkte!

    • Annelien March 15, 2018 at 4:52 pm - Reply

      Sodra ek die kapitaal het gaan ek dit doen…soveel wonderlike produkte wat ek reeds ontwikkel het, nou moet dit net na die publiek gaan en voila…gesonder samelewing! Jy is ‘n Twister Duisend Anri Britz. Groete Annelien

Leave A Comment

This site uses Akismet to reduce spam. Learn how your comment data is processed.