Za’atar is die Arabiese woord vir tiemie, maar dit is ook die naam waarmee ’n gewilde geurige speserymengsel beskryf word. Die mengsel verskil effens van streek tot streek, maar die weergawe waarvan ek hou, bestaan uit gedroogde tiemie, fyn gemaalde sumac, geroosterde wit sesamsaad en sout. Gebruik dit oor brood, feta, hoender, rooivleis, halloumi, frikkadelle, geroosterde groente, kaas, joghurt en slaaie. Eintlik is daar min dinge waarop ’n bietjie Za’atar nie lekker is nie!