As jy hou van ’n klam koek met ’n heerlike suurlemoengeur, is hierdie een vir jou. Die koek is ryk en sag, met vars suurlemoenskil en klapper deur die beslag, en dan word die warm koek met ’n soet kondensmelkstroop deurdrenk. Laat hom rustig staan totdat hy heeltemal afgekoel het sodat die stroop kans kry om behoorlik in te trek. Rond hom af met my mascarpone-versiersel vir ’n koek wat mens moeilik net by een stukkie kan laat!