Ek hou van resepte wat vooruit gewerk kan word en hierdie een is presies so ’n wenner. Die frikkadelletjies word klein en sag gevorm en direk in die tamatiesous geplaas. Sodra die sous afgekoel het, kan die hele gereg gevries word en later in die oond, mikrogolfoond of op die stoof gaar gemaak word.

Die tamatiesous kry sy lekker diepte van stadig gebraaide uie, vars tamaties, knoffel en ’n paar eenvoudige speserye. Bedien dit met spaghetti vir ’n maklike weeksaandete, of maak die frikkadelletjies kleiner vir ’n heerlike happie op ’n kuierbord.