Enige gaar vis werk uitstekend in hierdie tert, want die geurmiddels in die romerige eierbeslag komplimenteer die vis mooi. Ek is veral lief daarvoor om gerookte vis te gebruik, want dit gee die tert ’n heerlike rokerige nasmaak. Jy kan die vis self op die stoof rook of, as jy gerookte vis in ’n blik kry, dit sommer gebruik en jouself ’n klomp werk spaar. Die kors is die verrassing: kapokaartappels word saam met botter en meel verwerk tot ’n bros, heerlike tertkors.