Ek is lief vir sjokolade en vandat ek die ekstra donker kakao ontdek het, het ek bietjie met hierdie resep begin speel. Die vars pekanneute uit my tuin word ook hier ingespan en gee die nagereg ’n besonderse geur en tekstuur. Die wonderlike verrassing is dat die beslag bo-op die warm sous geskep word – en tydens die bakproses gebeur die lekkerste dinge. Hoop julle speel net so lekker met die resep soos ek!