Die geheim van hierdie tertjies lê in die lae temperatuur waarteen dit gebak word. Moenie skrik as die middel na 20 minute nog effens nat lyk nie; sodra die tertjies afkoel, stol die sjokolademengsel tot ‘n sagte, fluweelagtige kern. Gebruik goeie gehalte donker sjokolade en lees altyd die etiket indien jy dit glutenvry wil maak, want nie alle bakkersjokolade is noodwendig glutenvry nie.