Een van die belangrikste dinge om van rys te onthou, is dat rou rys ongeveer drie keer sy oorspronklike gewig lewer wanneer dit gaar is. As ‘n algemene riglyn gee 1 koppie gaar rys ongeveer 185 g, terwyl ‘n groter porsie van tot 225 g per persoon gebruik kan word wanneer rys deel van ‘n bredie of kerrie vorm.

Wanneer daar oor rys gepraat word, is daar egter nie net één manier om dit gaar te maak nie. Die ryssoort, die hoeveelheid stysel, die gewenste tekstuur en selfs die grootte van jou kastrol speel alles ‘n rol. Kom ons kyk dus mooi na die verskillende soorte en hoe ek hulle graag gebruik.