Hierdie is die soort groentegereg wat ek graag maak wanneer daar ’n hele klomp vars groente in die yskas is. Die groente word vinnig in ’n warm pan geroerbraai sodat dit al dente bly – bros en ferm, maar steeds gaar. Die balsamiese reduksie, heuning en vars knoffel gee die sousie ’n heerlike balans tussen soet, suur en sout. Maak die sous sommer vooraf in ’n groter hoeveelheid en bêre dit in die yskas vir ’n vinnige ete.