As boervrou, ma en besigheidsvrou glo ek sterk daaraan dat 'n mens slim moet kook. Oorskietpap hoef nooit vervelig te wees nie. Hierdie resep is juis ontwikkel om daardie laaste bietjie pap in iets besonders te verander. Ek gebruik gereeld my voorbereide pastasous en kits-witsousmengsel uit Boerekos met 'n Twist wanneer ek kamp of vir 'n naweek weggaan. Minder werk beteken meer tyd om saam om die vuur te kuier, en dis mos waar die mooiste herinneringe gemaak word.