Ek is mal oor koeke wat met tyd net beter word, en hierdie Neut- en Sjokoladestroopkoek is presies so 'n resep. Die sagte botterkoekbasis word verryk met dadelpuree, geroosterde neute, sjokoladesplinters en geurige speculaaskruie. Ná bak word die warm koek stadig met 'n aromatiese koffiestroop deurtrek, wat elke happie sappig en vol geur maak. Die laaste afronding is 'n ligte Chantilly-room met 'n skeut roomlikeur en knapperige neute – 'n kombinasie wat eenvoudig onweerstaanbaar is.