Tuisgemaakte malvalekkers is ’n heerlike bederf wat jy in enige denkbare kleur en geur kan maak. Die sagte, lugtige tekstuur word verkry deur die warm suikerstroop stadig by styfgeklitste eierwitte te voeg, waarna die mengsel verder geklits word totdat dit dik en elasties is. Vorm dit in ’n pan, spuit dit met ’n versierbuis of gebruik silikoonvormpies vir allerhande prettige vorms.