Die geheim van goeie stywe mieliepap lê by die fyn mieliemeel en die manier waarop dit in die kokende, gesoute water gevoeg word. Die mieliemeel word eers soos ’n klein vulkaan in die middel van die kastrol gestort en vir die eerste 10 minute glad nie geroer nie. Daarna word die water en pap met ’n vleisvurk gemeng en stadig verder gaar gestoom. Bedien dit met sheba, tamatiesmoor, chakalaka of tamatiepastasous – of geniet die aanbrandsel met warm melk en suiker.