Melktert is vir my veel meer as net 'n nagereg—dit is deel van ons koserfenis. Ek geniet dit om met klassieke resepte te speel sonder om hul siel te verloor. Hierdie weergawe is ligter as baie tradisionele melkterte omdat geklitste eierwitte aan die einde ingevou word. Die filodeeg gee weer 'n heerlike bros tekstuur wat pragtig kontrasteer met die sagte vulsel. Die resep is ewe geskik vir een groot tert, individuele porsies of selfs my geliefde melktert-sigare wat altyd eerste van die opdienbord verdwyn.