Kerriekool en kerriebone is seker so deel van ons koskultuur soos 'n braaivleis op 'n Saterdagmiddag. Hierdie resep het ek by my ma gekry, maar soos dit maar in ons familie gaan, is daar oor die jare heerlik aan geure geskaaf totdat dit ons eie geword het. Elke keer wanneer ons by my ouers gaan kuier het, was daar bottels vol in die spens – en teen die tyd wat ons huis toe is, was daar gewoonlik nie veel oor nie! Hierdie resep is ongelooflik veelsydig en vorm die basis vir verskeie heerlike variasies.