Ek weet nie van julle nie, maar rissies is nou die een groente wat by my oorneem en baie vruggies produseer. Capsicums is geneig om ook so welig te groei. Die kleur is een van die goed wat my seker die meeste opval en ek hou daarvan om kleurvolle kos voor te sit. Hierdie maklike verkoelde rissiepiekels word met asyn, suiker, mosterdsaad, knoffel en dille gegeur. Die rissies behou hul helder kleure en is heerlik saam met vleis, kaas, hamburgers en slaaie.