Hierdie geurige botter is die perfekte kombinasie van sagte botter, gekaramelliseerde heuning, warm speserye en vars gemaalde pekanneute. Dit smelt heerlik oor warm Franse roosterbrood, vars wafels, plaatkoekies of selfs 'n dik sny varsgebakte brood. Ek gebruik graag my Paasbolletjie-resep uit Boerekos met 'n Twist om 'n brood te bak waarvan die snye later in die lekkerste Franse roosterbrood omskep word – en hierdie botter maak die ervaring eenvoudig onvergeetlik.