Grenadilla- of granadellakoek is ’n heerlike variasie op ’n klassieke botterkoek. Vars grenadilla gee die beste geur, maar die pulp kan ook gedurende die seisoen gevries word om later te gebruik. ’n Sponskoek is nie geskik vir hierdie resep nie, aangesien die botterkoekbasis die grenadillapitte beter in die beslag hou. Die ligte roomkaasversiersel is nie oormatig soet nie en vorm die perfekte pasmaat vir die vars, suur vrugtegeur.