Wanneer ek suurdeegklasse aanbied, is daar een vraag wat elke keer opduik: "Hoe kry mens daardie mooi gate in 'n ciabatta?" Baie mense dink dit lê net in suurdeeg, maar met die regte tegniek en goeie gehalte meel kan jy ook met gewone gis 'n ongelooflike lugtige ciabatta bak. Die geheim lê nie in harde knie nie, maar in tyd, sagte hantering en die ontwikkeling van gluten deur voue. Hierdie resep gee jou al die karakter van 'n tradisionele Italiaanse brood, sonder ingewikkelde toerusting.