Hierdie stadig gaar varknekrol word met heuning, gerookte paprika, sojasous en appelsap of cider gegeur voordat dit ure lank oor sagte hitte gaargemaak word. Die sagte, sappige vleis word daarna gerafel en met sy eie geurige sous gemeng voordat dit saam met bottergeroosterde kool, uie en kondensmelk-mosterdsous op vars roosterkoek of broodjies bedien word. Die resep is ideaal vir kamp, onthaal of maklike gesinsmaaltye.