Die geheim van hierdie aartappelslaai lê nie net in die sagte baba-aartappels nie, maar in die aromatiese sous van gegeurde olyfolie, kruie-asyn, witwyn, Dijon-mosterd en Parmesaankaas. Berei die gegeurde olie en asyn vooruit en jy het die basis vir talle slaaie, marinades en dressings altyd gereed. Hierdie resep is ideaal om vooraf te maak, aangesien die geure oornag ontwikkel en die slaai die volgende dag nog lekkerder proe.