Ek glo nog altyd dat die lekkerste aartappelslaaie nie noodwendig dié is wat pas gemaak is nie, maar dié wat tyd gehad het om hul geure te ontwikkel. Hierdie resep is een van my gunstelinge omdat dit ongelooflik veelsydig is. Vir vleisliefhebbers is fyn windgedroogde springbokbiltong my eerste keuse, maar sterk gerasperde kase soos Gorgonzola, Grana Padano, Pecorino of Parmesaan maak net so 'n uitstekende alternatief. Selfs salami of cabanossi gee 'n heerlike karakter aan hierdie slaai.