Hierdie is beslis nie jou gewone vrugtekoektertjie nie! Die kors word met fyn amandels en kaneel berei en moet yskoud gehou word sodat dit bros en delikaat bak. Die vrugtevulsel kan volgens jou smaak aangepas word, terwyl die sagte beslag wat bo-oor gegiet word tydens die bak ’n mooi, goudbruin doppie vorm. Die tertjies vries ook uitstekend en is dus ideaal om vooruit te berei vir spesiale geleenthede.