Daar is iets besonders aan ’n eenvoudige bak warm eiervla. Vir my bring dit dadelik herinneringe van my moeder se kombuis en klein mensies wat met ’n lepel uit ’n bakkie warm vla opgeskep het. Hierdie resep kan maklik aangepas word vir dik of dun vla en die gaarheid word eenvoudig met die lepeltoets bepaal. Ek wys jou ook hoe om dieselfde resep in die mikrogolfoond te maak wanneer jy vinnig ’n bakkie trooskos nodig het.