Wanneer ek padkospakkies vir die gesin voorberei, bly daar altyd klein hoeveelhede droëvrugte, neute, pretzels en beskuitjies oor. Dis juis in sulke oomblikke waar nuwe resepte ontstaan. Die soutigheid van die pretzels saam met die romerigheid van suurroom en kondensmelk skep 'n perfekte balans – nie té soet nie, maar nét reg. Hierdie resep is ongelooflik veelsydig en kan as blokkies, salamirolletjies of selfs los "vrugtekoek in 'n bottel" verpak word vir pragtige tuisgemaakte geskenke.