Blomkool en broccoli word hier fyn verwerk en saam met eiers, kaas en ’n paar eenvoudige bestanddele in ’n wafelpan gebak. Die wafels kan sommer dadelik geniet word, of twee wafels kan met kaas tussenin terug in die wafelpan geplaas word om ’n heerlike geroosterde kaasbroodjie te maak. Vir ’n glutenvrye weergawe word die koekmeel en Nuttywheat eenvoudig met kekerertjiemeel en amandelmeel vervang.