Ek kan vandag nog sien hoe my pa die delikate foelie – die fyn rooi-oranje vlies om die neutmuskaat – met sy skerp knipmes afhaal en saam met koljandersaad in 'n warm gietysterpan rooster. Daarna was dit ons drie dogters se beurt om beurte te maak met die swaar vysel en stamper. Die speserye is nooit fyn gemaal nie; net grof genoeg sodat elke happie biltong sy eie klein geurontploffing gehad het. Bottels is netjies gevul, gemerk en gebêre, gereed vir die winter se slag- en jagseisoen. Vandag gebruik ek steeds hierdie mengsel vir biltong, droëwors, boerewors en selfs braaivleis – 'n eenvoudige resep wat al dekades lank sy waarde bewys.