Vleispreservering is niks nuuts nie. Lank voordat daar yskaste en vakuumverpakkers was, het mense reeds sout, suiker, droog en rook gebruik om vleis langer te bewaar. Vandag maak ons dit dalk meer vir die smaak, tekstuur en kwaliteit as bloot vir bewaring.

Vir my is daar min dinge wat by tuisgemaakte spek, ham en ander gesoute vleise kom. Jy beheer die bestanddele, die geur en die proses – en jy weet presies wat op jou tafel beland.

Maar hierdie is ook een van daardie resepte waar ek wil hê julle moet die hele les lees voordat julle begin. Pekel is nie ’n plek vir raaiwerk nie. Sout, nitrate/nitriete, temperatuur, higiëne, vleisdikte en tyd speel almal ’n belangrike rol in voedselveiligheid.