Hierdie appelblatjang is ’n wonderlike byvoeging tot kerriegeregte, maar moet jouself glad nie beperk nie. Die kombinasie van soet appel, speserye, uie, rosyne en asyn gee ’n heerlike balans tussen soet, suur en warm speserygeure. Ek hou daarvan dat die resep met doodgewone bestanddele gemaak word en maklik verdubbel kan word wanneer jy ’n groter hoeveelheid wil maak. Die Vitamien C-water is ’n belangrike klein stappie om die appels mooi lig van kleur te hou.