Tussen ‘n Roosterkoek en ‘n English muffin kan jy my mos omkoop om my eersgebore reg te verkoop! Hierdie Engelse muffin resep kan beidekante toe om gebruik word vir Roosterkoek, knoffel brood bolletjies en dan natuurlik Engelse muffins.
My fokus vir ons Buitelug gesprek met Pretoria FM gaan wees die Engelse muffin gebak op ʼn oop vuur en ʼn giet yster plaat. Ek deel graag met julle hierdie resep uit my Boerekos met ʼn Twist kookboek.
200 ml(3/4 k) lou water
125 ml (1/2 k) karringmelk
10 ml (2 t) kits gis
450 g (3 k) koekmeel
2.5 ml (1/2 t) witsuiker
2.5 ml (1/2 t) sout
80 g (1/2 k) fyn mieliemeel
Meng die waer en karringmelk saam. Sif al die droë bestanddele saam, behalwe die fyn mielie meel. Die fyn mielie meel is vir die uitrol en bak proses.
Voeg die karrinmelkmengsel by die gesifte meel en meng om ʼn deeg te vorm. Laat die deeg vir 15 minute rus.
Knie die deeg vir 5 minute tot glad en laat vir 60 minute om dubbel die volume te rys. Sprinkel n werks oppervlakte met die fyn mielie meel en keer die deeg daarop uit en druk die deeg met die palms van jou hand plat. Jy kan ook ʼn koekroller gebruik maar met die palms van jou hand is ook genoegsaam. Druk dit ongeveer 3 cm plat. Los vir 5 min en druk dan 5 cm tot 10 cm sirkels uit. Pak die sirkels op ʼn bakplaat, bedek met ʼn tee doek en laat dan weer rys vir 15 minute.
Voor verhit ʼn giet yster pan of plaat tot medium warm. Braai elke sirkel direk sonder olie op die droë pan. Bak vir 5 minute per kant.
Bedien warm.
Wenk: Hierdie muffins, halveer en bevries. Haal bevrore uit en rooster dit en bedien met roomkaas, biltong en ander heerlike lekker souse.
Rooster koek: deel deeg op in groottes van keuse en braai op rooster oor kole. Stok brood is natuurlik ook heerlik.
Bron: Boerekos met n Twist kookboek en Vleis die omvattende gids. Deur Annelien Pienaar: www.annelienpienaar.co.za
One Reply to “Engelse muffins met ‘n Twist”
Hanlie Buytendach
Lyk heerlik! Gaan beslis probeer! Dankie.