Peer en Karamel krummeltert

Peer en Karamel krummeltert

Onlangs koop ek ’n sakkie pere en na twee weke is dit nog kliphard en oneetbaar. Ek besluit toe om maar ’n paar nuwe resepte met hierdie harde kalante te ontwikkel. Uit hierdie vrugte het daar in die BKT toets kombuis voortgespruit Peer met Pinotage en salie konfyt, Peer in Cabernet Sauvignon en gemmerstroop posjeer met ’n heerlike vla by. Daana het hier hierdie ongelooflike resep ook die lig gesien. Harde pere of te nie, eet sal ons eet.

Kors
115 g (½ k) botter of bak margarien
120 g (½ k) strooisuiker
1 eier
280 g (2 k) koekmeel, gesif
15 mℓ (1 e) bakpoeier
½ t vanielje geursel
Knippie sout

Sif die droë bestanddele saam en vou by die eiermengsel in. Knie die deeg liggies. Verdeel deeg en druk een helfte van die deeg in die tertbak in en verkoel die tertbak en die res van die deeg, bedek beide. Rus vir 30 minute.

Berei die vulsel voor. Voorverhit oond tot 160 ℃.

Vulsel
500 g pere, geskil en blokkies
1/2 k pruimedante, grof gekap
50 g (¼ k) witsuiker
50 g (¼ k) sagte bruinsuiker
30 mℓ (1 e) heuning
15 mℓ balsamiese asyn
15 mℓ brandewyn
5 mℓ (1 t) fyn kaneel of 1 kaneelstokkie
½ t gemmer, fyn
30 mℓ (2 e) suurlemoensap
125 mℓ (½ k) water
5 mℓ (1 t) karamelgeursel
½ k pekans, gekap
1 blik karamel kondensmelk

Plaas al die bestanddele vir die vulsel in die kastrol behalwe die brandewyn en karamel geursel (indien u allergies is of nie alkohol mag gebruik nie, brandewyn geursel is ook beskikbaar by meeste winkels). Kook die bestanddele vir 10 minute totdat die pere begin sag word, maar nie pap, verwyder van hitte en voeg brandewyn geursel by en laat goed afkoel.
Druk een helfte van die deeg in ‘n gesmeerde tertpan vas. Skep die vulsel in en skep dan klontjies karamel op die vulsel.
Meng die oorblywende deeg met die gekapte pekans en krummel met vingerpunte oor die pere en bak by 160 ℃ vir 45 minute.
Laat goed afkoel en bedien met room.

Bron: Annelien Pienaar, 2017
Hoeveelheid: 8 porsies

 

Print Friendly, PDF & Email
2017-10-06T04:32:39+00:00 0 Comments

Leave A Comment