Biltong en Aspersie sop

Biltong en Aspersie sop

Hierdie soppie neem net 30 minute om te maak van begin tot einde. Indien die bestanddele nie in rou formaat beskikbaar is, kan jy met die geblikte produk soos aspersies en poeier kappok aartappel werk, dan maak jy die sop binne 10 minute. Die vars produk bly nog die heel lekkerste, maar as tyd druk, dan kroek ons almal maar soms. Hier is vir julle sommer twee resepte in een!

Langpad: 30 minute
30 g (2 e) botter
1 prei of Ui (klein), fyn gekap
250 g aartappels, geskil en grof gekap
500 mℓ (2 k) water
6 e tuisgemaakte soppoeier (sien onder sop afdeling vir hierdie resep)
500 g aspersies as dit vars is, stokkerige onderste gedeelte verwyder en in 2cm stukkies gesny
knippie borrie
150 ml room
15 mℓ (1 e) dill tippies, gedroog, vars 45 mℓ (3 e)
1 k dun gekerfde biltong stukkies

In ‘n diep kastrol smelt die botter en braai die ui tot sag vir 5 minute.

Voeg die aartappels, water en aftreksel by. Kook die mengsel vir 15 minute totdat die aartappels sag is.

Voeg dan die aspersies en borrie by en kook totdat die aspersies al-dente is vir ongeveer 3-5 minute.

Neem die helfte van die sop en puree dit. Voeg plaas die sop terug by die res van die sop in die kastrol en voeg die room en dill by. Roer die biltong by en bedien dadelik. Biltong kan ook met gaar spek of kaiings (p.96 van Boerekos met ’n Twist kookboek)

Vinnige resep
30 g (2 e) botter
1 prei of Ui (klein) opgekap
1 pakkie smash original
1 blikkie aspersies
Hou die vog van die aspersies en vul aan met water tot 500ml
6 e tuisgemaakte soppoeier op webtuiste onder sop afdeling
15 mℓ dill tippies, gedroog, vars 45 mℓ (3 e)
1 k dun gekerfde biltong

In ‘n diep kastrol smelt die botter en braai die ui tot sag vir 5 minute.

Plaas water en aspersies in die kastrol met die uie in en verhit tot kookpunt.

Voeg die smash by en roer tot verdik. Voeg die res van die bestanddele by, puree die mengsel en roer die spek by. Bedien dadelik.

Bron: Annelien Pienaar, epos: boerekostwist@gmail.com, 2016
Hoeveelheid: 4 Porsies

 

Print Friendly, PDF & Email
2017-08-17T09:17:48+00:00 0 Comments

Leave A Comment