Lewerkoekies

Lewerkoekies

As kind was hierdie een van die goed wat ek so helder as vandag kan onthou, wat my Ma op sondag aande vir my Pa gemaak het.

500 g Bees- of skaap- of wildslewer
4 middelslag aartappels
250 ml gesnyde groenboontjies
2 spinasie blare of ¼ k pietersielie gekap
1 middelslag tamatie
1 ui
1 knoffel toontjie
2 snye brood
3 eiers
140 g (1 k) koekmeel
15 ml bakpoeier
10 ml sout
1 ml peper
150 mℓ sonneblom olie vir vlakvet braai

Trek die vliese van die lewer af en sny die lewer in stukke en laat dit in melk week vir 60 minute tot oornag. Dreineer.

Plaas lewer stukkies in ‘n voedselverwerker en kap tot grof, maar nie loperig fyn. Skep uit. Voeg in dieselfde voedselverwerker bak: die aartappels, boontjies, spinasie, tamatie en ui tot baie fyn.
Indien jy ‘n vleismeul het is dit puik vir die werk. Voeg laaste die snye brood by laaste saam met die mengsel.

Voeg die eiers en lewer by die gemaalde mengsel en meng goed. Voeg die meelblom, bakpoeier, sout en peper by en meng weer goed deur.

Skep lepels vol lewermengsel in ’n pan wat vooraf verhit is met bietjie olie. Braai die koekies beide kante oor matige hitte tot gaar en bruin. Dreineer die lewerkoekies goed op kombuispapier en sit dit warm of koud voor. Bedien met Ouma Hantie se knoffel room sous op p.24 in die Boerekos met ‘’n Twist kookboek. Wenk: koekies kan in eier ringetjies of ander koekie drukker vormpies gebak word vir eenvormigheid.

Hierdie gaar koekies vries goed.

Bron: Annelien Pienaar, 2015, Kook met afval klas.
Hoeveelheid: 20-30 koekies

 

Print Friendly, PDF & Email
2017-08-09T16:12:29+00:00 0 Comments

Leave A Comment