Droging van Sampioene

Droging van Sampioene

Vir my persoonlik is daar niks so lekker om altyd ‘n vol spens te hê nie. Die gedagte aan gedroogde sampioene laat jou seker frons…maar raai wat, dit is ‘n ryk bron van fosfor en selinium wat weer goed is vir jou brein en ook jou beendigtheid. Ek koop direk by die sampioen plaas my sampioene en droog dan so 10 kg op ‘n keer sodat ek my bottels kan vul. Soms as ek die sampioene te lank gedroog het, dan maal ek dit fyn in ‘n poeier. Veral vir kinders wat nie lief is vir snaakse groente is die poeier nogal ‘n maklike plan as jy soppe en souse berei.

Enige hoeveelheid van enige soort sampioene kan gebruik word. Indien jy knopie sampioene gebruik, sny dit nie dikker as 3 mm. Sout vir sprinkel (gegeurde sout is ook heerlik)

Metode:
Vee die sampioene met ‘n lappie skoon, moenie die sampioene in water week nie. Die sampioene sal te veel vog absorbeer en dan droog die sampioene veels te lank.

Sprinkel sout oor soos wat jy oor jou kos sou strooi. Die sout is higroskopies, dit sal altyd kompeteer vir water om homself op te los en onttrek dus die vog vinniger uit die sampioen. Indien jy ‘n hartlyer is, kan die sout uitgelaat word. Sprei die sampioene op ‘n bakplaat uit wat met waspapier of teflon vel uitgevoer is.

Droog die sampioene tussen 90 ˚C en 110 ˚C. Indien jy ‘n waaier oond het is 90 ˚C perfek en dit lug droog nogal vinnig. Dus kan die uitdroog enige iets van 2 – 5 ure neem.

Indien jy ‘n Drogingskas het, kan dit ook perfek werk vir droog. 5-9 ure is perfek afhangende van die soort sampioen.

Bron: Annelien Pienaar, Preservering 101 klas, 2013

 

Print Friendly, PDF & Email
2017-08-02T09:07:30+00:00 6 Comments

6 Comments

  1. Theuria Steyn August 2, 2017 at 10:27 am - Reply

    Waar is die sampioen-plaas.
    Groete

    • Annelien August 2, 2017 at 1:31 pm - Reply

      As jy by Ifafi sou uitry en oor die vier rigting gaan sal jy links die stoor sien met die woorde Mushrooms. Nie seker of die plek nog produseer nie. Groete Annelien

  2. Anna Kevill August 2, 2017 at 12:18 pm - Reply

    Dsnkie vir die idee gaan dit besis probeer

    • Annelien August 2, 2017 at 1:30 pm - Reply

      Geniet. Groete Annelien

  3. Dionne August 6, 2017 at 5:11 am - Reply

    Net n vragie, as ek beskuit uitdroog los ek altyd die oonddeur effe oop, doen ek dieselfde hier, ek dink altyd die vogtigheid moet tog seker iewers kan ontsnap?

    • Annelien August 6, 2017 at 5:47 pm - Reply

      Hallo Dionne, onthou dat die sampioene nie soveel vog bevat soos in die geval van die beskuit nie en dit droog baie vinniger. Daar sal niks verkeerd wees as jy wel die oond deur op daardie skrefie oop maak nie. Lekker droog en kom wys wat jy gemaak het. Groete Annelien Pienaar

Leave A Comment