30 dae Volgraan muffins

30 dae Volgraan muffins

Hierdie muffins is nie jou gewone muffins nie, omdat die beslag vir 30 dae in die yskas gehou word. Verder met die hou in die yskas verlaag die GI en ander goeie dinge gebeur in die meel. Kom ek verduidelik iets klein oor die lang hou tyd in die yskas. Die stysel dele in die meel (eintlik ‘n tipe suiker) word deur ’n ensiem (amilase) verder verteer vanaf ’n komplekse suiker na ’n meer verteerbare en eenvoudiger suiker. Gaan nie nou jou kop mal maak met die groot name nie. Dus word daar goeie dinge in hierdie tydperk in die mengsel bewerkstellig. Ek bak hierdie resep met EurekaMills se steengemaalde koekmeel en geen allergiese reaksies by my dogtertjie t.o.v. gluten weerstandigheid. Kom ons bak. Ander koekmeel kan gebruik word…maar vir allergie stel ek sterk voor gebruik EurekaMills.

3 groot eiers
125 mℓ (½ k) canola olie of sonneblom olie
500 mℓ (2 k) melk (afgeroom is ook geskik)
350 g (1 3/4 k)  sagte bruinsuiker (treacle of damarera)
*1 e liquid Natreen vir suiker-vrye opsie, laat bruinsuiker weg
140 g (1 k) Whole wheat meel van Eurekamills
210 g (1 ½ k) Koekmeel van Eurekamills
70 g (2 k) vertering semels
5 mℓ (1 t) sout
10 mℓ (2 t) koeksoda
2.5 mℓ (½ t kaneel)

Variasie vir vulsels:
1. 100 g (1 k) pekans met 150 g (1 k) dadels gekap
2. 150 g (1 k) koekvrugte met 1 k appelmoes of pynappel
3. 150 g (1 k) pruimedante, ontpit met 1 k fyn piesang

Klits eiers, olie en sagte bruinsuiker saam. Voeg die res van die bestanddele by en meng met ballon klitser sodat dele net bymekaarkom.

Giet in lugdigte houer en plaas oornag in yskas. Verder kan jy hierdie mengsel ook vries indien jy met vakansie gaan en saam neem.

Voorverhit oond na 180 ℃ en berei muffin panne voor. Jy kan natuurlik ook in ‘’n broodpannetjie bak as alternatief. Bak vir 25 minute tot gaar.

Mikrogolf: Bak in silikoon pannetjies wat vooraf gespuit is op 100% krag vir 8 minute. Toets of gaar deur nie die muffins uit te haal maar eers binne-in die oond te hou en dan met tandestokkie te steek en gaarheid toets. As die muffins dalk hard is, beteken dit jou tyd is te lank en jou mikrogolf se krag te sterk. Bring dan tyd net af met 2 min en toets dan weer.

Bron: Annelien Pienaar, 2017, Kookklasse
Hoeveelheid: 12

Print Friendly, PDF & Email
2017-07-26T13:16:33+00:00 2 Comments

2 Comments

  1. Santie July 26, 2017 at 10:46 am - Reply

    Ek is so bly om weer hierdie resep te sien! My pragtige vriendin Narda van Windhoek het dit (dalk soortgelyk) altyd gebak en die resep vir my neergeskryf toe sy al baie, baie siek was. Ek het egter tussen kontinente se trekkery die kosbare stukkie geskrif verloor. Vir Narda sal ek nooit verloor nie, al het kanker haar al jare gelede so wreed kom steel, want ek dra haar altyd in my hart.
    Dankie vir die resep, en die herinnering aan iemand besonder kosbaar.

    • Annelien July 26, 2017 at 1:24 pm - Reply

      Koester kos en koester vriendinne…xxxAnnelien

Leave A Comment