Lepelsteeltjies of ouma se Wildebees ogies

Lepelsteeltjies of ouma se Wildebees ogies

Kleintyd lekker kry happies sonskyn. Ons het soveel bolletjies gerol, dat ons seker die pad van Pretoria na Kaapstad met ‘n lyn kon verbind. Vandag toe ek en kleinste van die Filistyne staan en bolle rol, raak ek weemoedig. Sussie het ma se neus gekry en ook rooi hare. Ek dink aan my mooi moeder. Sagte hande, pragtige natuurlike vos hare, rooikop. Kort, mollig en die mooiste kuite! Ek sien haar skarrel in die kombuis soos sy die panne en oonde voorberei vir die bak sessie wat voorlê. Ons dogters het nie kans gekry vir laat lê nie, elkeen het ‘n werkie gehad.

My werk was om die kaas en die botter te rasper. Mammie het die botter gevries uitgehaal want soms as dit somer was, was die kombuis baie warm. Dan het die bolletjies nie mooi gebak nie. Dus moes ons baie vinnig werk en die bestanddele koud hou. Alles moes die heeltyd koud bly, ja selfs die bakplate was in die vrieskas. Onthou, as ons gebak het op die plaas was dit om die hele buurt se magies vol te maak. Koekies by dosyne! Ja, wonderlike herinneringe en tradisies wat ek met my kinders kan voortsit! Daar is geen moet dat dit appelkoos konfyt moet wees nie. Ek het ‘n pynappel en appelkooskonfyt en ook ‘n kweper en turkish delight jellie as vulsels gebruik. Die kaas bring net die smake soveel meer uit. Dit is soos kettie en klip!

Hierdie is ‘n wonderlike resep om die hele gesin mee te betrek. Geniet.

280g (2k) Koekmeel
2ml Sout
2ml Bakpoeier
250g (2k) Cheddar kaas, gerasper
200g (3/4k) Botter of Bake Margarien, gerasper, kamertemperatuur
125ml Appelkoos konfyt

Sif koekmeel, sout en bakpoeier saam.

Plaas al die bestanddele in ‘n voedsel verwerker en draai tot ‘n bol deeg vorm. Indien jy met die hand werk vryf soos gewoon met die vingerpunte in. Die deeg sal begin aan mekaar vas klou.

Rol 15ml of 12g balletjies, plaas op gesmeerde bakplaat. Met agter kant van houtlepel, druk in die middel van die bolletjie ‘n gaatjie. Vul die gaatjie met appelkoos konfyt. Moenie te vol maak nie, dit sal oorkook en dan is die koekies nie netjies nie.

Bak by 200℃ vir 10-15 minute.

Indien die holtes leeg vertoon, vul weer met appelkoos konfyt op.

Stoor in lugdigte houers. Kan bevries word.

English Version

280g (2cups) Cakeflour
2ml ( ½ t) Salt
2ml ( ½ t) Baking poweder
250g (2 cups) Cheddar cheese, grated
250g (1cup)Butter or Bake margarine, room temperature, grated
125g Apricot jam

Sift the cake flour, salt and baking powder together.

Place all ingredients in food processor and pulse until a soft dough forms. If making the dough by hand, rub all the ingredients until it form the soft dough.

Measure 15ml of the dough, roll into ball, and make a hole in the centre with the back of a wooden spoon. Fill the cavity half way with apricot jam.

Bake at 200℃ for 10-15 minutes. Fill cavities again if it is not filled enough.

Source: Annelien Pienaar, 2016, Cooking classes: boerekostwist@gmail.com
Amount: 40-50 balls

 

Print Friendly, PDF & Email
2017-07-19T09:17:14+00:00 2 Comments

2 Comments

  1. Caroline van der Westhuizen August 2, 2017 at 2:27 am - Reply

    Hi Annelien,

    Ek wil net weet of die lepelsteeltjies hul krakerigheid behou wanneer dit gevries was.
    Dankie vir heerlike resepte!

    Caroline

    • Annelien August 2, 2017 at 1:30 pm - Reply

      Die brosheid word nie deur bevriesing beinvloed nie. Groete Annelien

Leave A Comment