Cremora tert

Cremora tert

Sandra Saayman is een van Boerekos met ‘n Twist op Faceboek se Admin dames. Sy self is ‘n kraninge kok en het hierdie maklike reseppie met ons gedeel. Dit is vinnig en stol binne ‘n uur wat dit die ideale tert maak vir die onvoorsiene gaste. Ek het ‘n kinkel by besit deur ‘n halwe blikkie fyn pynappels wat goed gedreineer is by te sit om die soet effens te breek. Wat van ‘n bietjie Amaretto of ‘n ander tipe room likeur? Vars vrugte vir bo-op sit vir garnering? Hierdie resep het baie potensiaal, dit is verseker! Dit is met of sonder die pynappel nogsteeds ‘n wenner! Dankie vir die deel van die resep Sandra.

500 g Creamora poeier
250 ml Yswater (1 kop)
2 blikke Kondensmelk (gebruik 1 blik karamel kondensmelk vir afwisseling)
250 ml suurlemoensap (1 kop)
1 x 200 g pak Tennis-beskuitjies

Skep die Cremora in ’n mengbak en voeg die yswater by. Klits goed en voeg die kondensmelk by. Hou aan klits tot die mengsel glad is.

Voeg die suurlemoensap bietjie vir bietjie by tot al die suurlemoensap bygemeng is en die mengsel verdik het.

Voer die basis van ’n tertbak van 24 cm met die beskuitjies uit. Hou ’n paar beskuitjies eenkant. Skep die vulsel oor die beskuitjies. Druk die ekstra beskuitjies fyn en strooi dit bo oor die vulsel.

Plaas minstens 1 uur in die yskas en sit voor.

Bron: Sandra Saayman vir Boerekos met ‘n Twist, 2016-02-18
Hoeveelheid: 2 terte in blink foelie bakkies van 23cm of een lang pyrex bak

 

Print Friendly, PDF & Email
2017-07-19T15:40:01+00:00 2 Comments

2 Comments

  1. Santie July 23, 2017 at 5:25 pm - Reply

    Lol ek met jou resep as ek noem dat ek begin het om gemmerkoekies te gebruik vir die kors en nooit weer teruggegaan het na tennisbeskuitjies nie? 😀
    Kry mos nie tennisbeskuitjies in la Belgique nie, (Cremora ook nie, maar die het ons saamgebring) en ons sal liewer dood voor ons NIE die tert maak nie.
    Ek maak dit nou selfs in SA met gemmerkoekies.

    • Annelien July 23, 2017 at 5:57 pm - Reply

      Jy sien in Kanada was dit ook nie beskikbaar gewees nie en daarom het ek ook op ‘n dag besluit my gemmerkoekies is mos perfek vir die werkie! Van daardie dag nooit weer iets anders gebruik nie. Groete Annelien

Leave A Comment