Botterskorsie gebak met krakerige streusellaag

Botterskorsie gebak met krakerige streusellaag

Die gereg het ’n sagte binnekant wat in sy eie karamelsousie gaar bak en afgerond word teen die einde met ’n krakerige Pekan streusel lagie. Hierdie gereg is uit nood gebore omdat ek vergeet het om gas te koop vir my hob en wel en net aangewese was op my oond! Eintlik is hierdie dis moeite-vry om te maak. Geluk by die ongeluk.

1 kg botterskorsie blokkies
60 mℓ (4 e) olyfolie
100 g (½ k) sagte bruinsuiker

Voorverhit oond na 180 ℃ en smeer ’n oondvaste skottel met botter.

Plaas botterskorsie in oondskottel met dig passende deksel of bedek met foelie. Sprinkel olyfolie oor en rond af met sagte bruinskuiker. Roer om goed te meng. Bak in oond vir 60 minute tot sag.

Streusel
100 g (1 k) pekans
1 t kaneel
100 g (½ k) sagte bruinsuiker
115 g (½ k) botter
100 g (1 k) gemmerkoekies of fyn gekapte hawermout
1/2 t sout

Plaas al die bestanddele in ’n voedselverwerker en kap totdat dit soos fyn broodkrummels lyk. Sprinkel ’n dik laag op die botterskorsie. Bak by 200 ℃vir 15 minute tot bros en krakerig.

Bron: Annelien Pienaar vir Bos en Berg gastehuis, 2016. Kook klasse:boerekostwist@gmail.com

Hoeveelheid: 6 porsies

 

Print Friendly, PDF & Email
2017-07-19T08:00:59+00:00 0 Comments

Leave A Comment