Bessie konfyt-alle soorte

Bessie konfyt-alle soorte

Jy kan hierdie resep vir ‘n verskeidenheid bessie soorte gebruik en ongelooflike resultate verkry. Maak jou eie appel pektien deur eenvoudig Granny Smit appels grof te kap met al sy dele, maak toe met water en kook tot sag vir 30 minute. Syg deur en kook die vloeistof totdat dit met die helfte verminder het. Hou in gesteriliseerde fles en gebruik soos nodig.

2.5 kg appelliefies, gewas en halveer
1.6 kg (8 k) wit suiker
500 mℓ (2 k) water
60 mℓ (4 e) vars suurlemoensap
80 mℓ (1/3 k) appel pektiensap (sien les oor Appelpektien)
1 kaneelstokkie (opsioneel)

Plaas appelliefies en water in diep kastrol. Sprinkel witsuiker oor die appelliefies en laat oornag staan om sap te trek.

Volgende dag, verhit die mengsel en kaneelstokkie oor stadige hitte om die suiker op te los en roer aanhoudend. Onthou om die kante van die kastrol waar suiker kristalletjies vasklou af te was met ‘’n nat kwassie.

Sodra al die suiker opgelos het kook die appelliefies op baie vinnige hitte vir 60 minute of totdat die mengsel begin verdik en ‘’n derde van die mengsel weg gekook het. Voeg die appelpektien en suurlemoensap by en roer goed deur, kook 10 minute.

Verwyder mengsel van hitte en rus 5 minute voordat die mengsel gebottel word in warm gesteriliseerde flesse.

Bron: Annelien Pienaar, 2016 vir Bos en Berg gasteplaas. Preservering klas.

Hoeveelheid: 1.5 liter

 

Print Friendly, PDF & Email
2017-07-13T19:16:24+00:00 0 Comments

Leave A Comment