Balsamiese Rooi ui Marmelade

Balsamiese Rooi ui Marmelade

Hierdie resep is ‘n variasie op die tradisionele met die byvoeging van unieke bestanddele. Hierdie ingelegde produk kan lank op die rakke hou, verder kan dit basies met enige gereg geniet word. Kaas borde, hamburgers, bruchetta platters en vele meer. Die Balsamiese asyn en whisky in die resep verleen ‘n spesiale diepte aan die uie…Kom ons begin.

4 kg rooi uie – in ringe gesny
1 liter wit druiwe asyn
500 ml balsamiese asyn
100 ml gouestroop
2 kg wit suiker
50 ml mosterd poeier
5 ml achaar masala
5e geel mosterd saadjies
15 ml sout
150 ml maizena

150 ml whisky

Plaas die uie in ‘n kastrol en bedek met warm water.

Kook tot net sag, maar nie pap nie.

Skep van die kook water van die uie uit en laat afkoel om die maizena mee aan te maak later.

Meng al die bestanddele behalwe die maizena saam in die uie kastrol.

Verhit die mengsel stadig en hou aan roer totdat al die suiker opgelos het, die mengsel mag nie kook voordat die suiker nie deeglik opgelos het nie.
Kook vir 30 minute op vinnige hitte sodat die vog vinnig kan verdamp.

Maak die maizena aan met net genoeg koue uie water om ‘n pasta te maak. Voeg dan die whisky by en roer goed deur.

Verwyder die mengsel van die hitte en roer die maizena by. Plaas terug op die stoof en kook tot verdik en gaar.

Bottel warm.

LEWER: 5 liter

BRON: Annelien Pienaar.

Print Friendly, PDF & Email
2017-07-04T07:31:14+00:00 4 Comments

4 Comments

  1. Sulizna de Jager July 3, 2017 at 3:17 am - Reply

    Hoeveel whiskey kom in die rooi ui marmelade? Dankie vir die lekker resepte!

    • Annelien July 3, 2017 at 6:52 pm - Reply

      Haai, loer dit is 125ml wat heel aan die einde bygevoeg word. Geniet en dankie dat jy so lekker saam twist. BKT groete Annelien

  2. ronelle July 3, 2017 at 7:13 am - Reply

    hello

    dit lyk lekker…..maar daar is klein ronde bolletjies tussen die uie op die foto? is dit mosterdsaad?

    • Annelien July 3, 2017 at 6:54 pm - Reply

      Ronelle, Mosterdsaadjies was in die masala gewees en dit het heerlik uitgekom. Voeg 2 e by die kokende massa. Groete Annelien

Leave A Comment