Rooi Fluweel koek

Rooi Fluweel koek

Hierdie is ‘n wonderlike gebak wat jou telkens as jy dit sny, verras met sy keurspel van kleur. Ek bedien die koek met ‘n maaskaas drup sousie op die kant of op kolwyntjies met botter en roomkaas versiersel.

Indien jy nie die koek rooi wil hê nie, wel, dan maak ons dit ‘n rëenboog kleur of net wit en bruin. Wees ook op die uitkyk by die bakkers winkels vir die swart kakao…dit gee die mooiste swart glinsterende krummel!

400g Koekmeel
40g Mielieblom, Maizena
½ t Sout
15ml Bakpoeier
½ t Koeksoda
250g Botter, kamertemperatuur
500g Wit suiker
125ml Griekse yoghurt of Karringmelk
15ml Vanielje geursel
5 Eiers, groot
125ml Melk

Kleursel vir Redvelvet beslag
Meng alles saam
50g Kakao
75ml Melk
15ml Moir’s Krimson Red voedsel kleursel

Voor verhit oond na 180℃ en berei pan voor deur dit goed uit te voer met ‘n goeie kleefwerende middel soos die Koekepanne smeer.

Sif die koekmeel, mielieblom, bakpoeier, koeksoda en sout saam.

Verroom die suiker en botter totdat die mengsel lig en romerig is. Dit neem gewoonlik so 5 minute om die perfekte dikte te kry. Klop nou die geursel, karringmelk of yoghurt by. Klop tot die mengsel weer mooi egalig is.

Voeg nou die eiers een vir een by en klop goed sodat die mengsel weer een word, voordat die volgende eier by gevoeg word. Neem jou tyd, want dit bepaal die perfekte tekstuur vir jou bundt koek.

Vou nou die meel mengsel met ‘n kokslepel by die eiermengsel in. Voeg ook die melk by met die derde roer. Draai die bak in die rondte as jy meng en volg ‘n figuur 8 vanuit die middel van die bak.

Meng nou die Kleursel vir Red Velvet bestanddele alles eers met mekaar en voeg dan by die beslag. Roer die mengsel met draai klitser goed deur. Skep in voorbereide panne.

Bak die beslag vir 50-60 minute. Ek bak die koek vir die eerste 20 minute by 180℃ en verlaag dan die temperatuur na 170℃ vir die res van die baktyd. Laat die koek dan vir 15 minute afkoel voordat jy dit op ‘n draadrak om keer om af te koel.

Kolwyntjies: Bak vir 170℃ vir 30 minute

Versiersel:  http://annelienpienaar.co.za/2017/04/05/botterversiersel/ met Lindt sjokolade gerasper en fudge splinters.

Wenk met die versiersel: Roer by die botterversiersel 4 e roomkaas soos op die foto~!

Bron: Annelien Pienaar, 2016, BKT Kook klasse: boerekostwist@gmail.com
Hoeveelheid: 1 groot koek of 12 kolwyntjies

Print Friendly, PDF & Email
2017-08-10T09:30:38+00:00 4 Comments

4 Comments

  1. Hilda July 1, 2017 at 11:34 am - Reply

    Baie, baie dankie vir wonderlike resepte en raad. Maar, wat op aarde is ‘n kokslepel? Baie dankie vir die suiwer en mooi Afrikaans wat jy gebruik – maar kokslepel het my ore aan gesit!

    • Annelien July 1, 2017 at 6:36 pm - Reply

      Jy kan ook ‘n deegskraper of ballonklitser gebruik. Kokslepel is ‘n slotted spoon sonder die gleufies. Groete Annelien

  2. Maggzs Schulz July 15, 2017 at 6:13 pm - Reply

    Gaan die grade Celsius vir gebak dieselde wees hier teen die see naby Kaap Agulhas ?

    • Annelien July 17, 2017 at 10:17 am - Reply

      Jy het nodig om drie dinge aan te pas: Vog met 5% verminder, temperatuur met 4C te verlaag en rysmiddel te verhoog met ongeveer 5%. Groete Annelien

Leave A Comment