Krakerige Klapperkoekies

Krakerige Klapperkoekies

Hierdie koekies is krakerig en karamelagtig met die klapper geur wat sagkens deur slaan. Die perfekte koekie om heel ongeskik te doop in jou koffie of tee, sonder dat dit afbreek en in val. Hande vol verdwyn gereeld uit die koekie blik!

250 g (1 k en 4 t) botter of bakkers margarien
300 g (1 ½ k) witsuiker
2 groot eiers
15 mℓ (1 e) melk
5 ml (1 t) karamel geursel
75 g (1 k) klapper
490 g (3 ½ k) koekmeel
10 mℓ (2 t) bakpoeier
5 mℓ (1 t) sout

Voorverhit oond na 180℃ en smeer ‘’n hele paar bakplate.

Klits die botter, suiker en eiers saam tot lig en donsig. Voeg die melk by en klits weer goed deur.

Sif die droë bestanddele saam en bou by die bottermengsel. Druk deeg liggies aanmekaar.

Hierdie deeg kan uitgerol word en vormpies gedruk word, dit kan ook in balletjies gerol word en met vurk plat gedruk word. Vir bolletjies stel ek voor 15 mℓ hopies is perfek en plaas 4 cm uitmekaar op bakplaat. Vir uitrol, rol deeg ongeveer 5mm dik uit en spasieer 2 cm uitmekaar op bakplaat.

Bak vir 8-10 minute in voor verhitte oond teen 180℃.

Lewer ongeveer: 100x15ml koekies
Bron: Annelien Pienaar, 2017

 

Print Friendly, PDF & Email
2017-06-13T07:41:37+00:00 2 Comments

2 Comments

  1. Cicelia Scheepers June 15, 2017 at 1:02 pm - Reply

    Dis baie heerlik laaste koekies kom nou uit die oond uit, maar ek dink ek sal weer moet bak, soos hulle uit die oond kom verdwyn hulle. Baie dankie vir die heerlike resep en al jou harde werk. Kan nie wag vir jou resepte boek sondag nie.

    • Annelien June 16, 2017 at 11:19 am - Reply

      Cicelia, ek is sommer baie opgewonde saam met jou dat die koekies soete sukses was. Baie voort liewe Twister…groete Annelien

Leave A Comment