BKT Toetskombuis Kletshuis

BKT Toetskombuis Kletshuis

Photographer Hanneri de Wet

My BKT Kombuis

Hallo Twister. Hierdie briefie is om dankie te sê dat jy gereeld die BKT resepte kom besoek, inloer op Bakkiesblad en selfs kom saam spog met BKT eindprodukte. Dit was ’n reis die afgelope 24 maande om die BKT konsep te loods en glo vir my, telkemale gevoel ek gooi handdoek in. Soos julle my reeds ken gee ek nie op nie en soek dan kreatiewe oplossings vir my probleme. Met die reis het mense oor my pad gekom wat vriendelike hande uitgereik het om my te help. Sandra Saayman is vir my goud werd op hierdie reis.

Ons span dinamika werk soos volg: My deel is die ontwikkel, toets, fotografering en skryf van nuwe resepte. Dit moet gelaai word op die web en dan gaan Sandra en lees deur die werk. Sodoende ken sy die resepte op die punte van haar vingers. As daar een persoon is wat ‘n resep kan opspoor, dan is dit Sandra. Sandra staan baie vir my in. Ek is ’n werkende persoon wat manlief moet help om die pot aan die kook te hou. Hierdie nuwe fase in my lewe wat ek betree met die uitleef en deel van my kennis met elkeen wat dit hul eie wil maak…is ‘n leerskool soos ek aangaan.

Ek hou van leer en nuwe konsepte te toets, daarom dat die blad net resepte wat ek getoets het gebruik. Wanneer daar dan ’n navraag inkom sal ek weet hoe om dit te hanteer en ook die haakplekkies vir jou help uitsorteer. Dit is die waarde wat ek tot elke resep toevoeg. Jy weet ek is daar en ek help. Ek hou van resepte en probeer graag my hand met iemand se werk, maar dit is nie lekker om ’n resep te gebruik waarvan die dele eintlik die steler is. Hul vertel nie alles wat jy moet weet en dan eindig jy met ’n probleem. Dus, op hierdie tuiste is dit my eie werk wat gebruik word, indien ek wel ’n buite bron se inligting deel word daardie persoon as bron vernoem asook foto’s wat nie my eie is word genotuleer.

Baie dankie dat jy elke dag op Faceboek en my webtuiste kom kuier, ek sien jou deelname en waardeer. Die nuusbrief sal nogsteeds gratis aan julle gestuur word. Die toegang tot die resepte op die BKT webtuiste en ook Bakkiesblad sal vanaf einde Junie vereis om ‘’n subskripsie te betaal. Ek het lank en hard gaan dink daaroor en my pensionarisse ook in gedagte te hou. Die betaal opsies sal ook vir julle teen daardie tyd beskikbaar wees. Die rede waarom ek dit doen? Nie om ryk te word nie, maar om my werk te beskerm. Teveel mense buite verkoop my werk as hul eie en jy het ook al gesien hoe ek die mense aanvat daaroor. Dus, het ek die minimum uitgewerk en die koste is ongeveer R6.25/week, R25/maand waarop dit neerkom. Ek het besluit om die koste minder te maak deur dan subskripsies van R150 vir 6 maande of R250 vir 12 maande op te stel om van te kies. Die 12 maande opsie beteken dat jy 2 maande se subskripsie gratis kry. Die kostes is direk gekoppel aan bekostigbaarheid vir die pensionarisse. Dink baie mooi, waar gaan jy ’n resepteboek kry vir R250 waarvan 1000 resepte getoets is? So, maak die somme en dink. Ek is klaar met buite mense wat my werk verkoop…nou kan ek en Sandra begin ons data rekeninge betaal en bestanddele verhaal. Ek sal graag jou kommentaar op hierdie koste strukture wil hoor. Enige insette sal welkom wees. Ons hardloop einde Junie met die nuwe deel.

Groete

Annelien

 

Print Friendly, PDF & Email
2017-06-10T11:28:40+00:00 60 Comments

60 Comments

  1. Erna Butler June 9, 2017 at 6:33 pm - Reply

    Liewe Annelien…met liefde betaal ek subskripsie gelde ek neem aan bankbesonderhede sal deurgegee word Baie geluk weereens met jou wonderlike boek.ek kannie wag om dit in my hande op te neem en met my oe die inhoud daarvan te verlustig nie.
    Jul harde werk gaan nie ongesiens verby nie. Beste groete. Rna

    • Annelien June 9, 2017 at 6:48 pm - Reply

      Baie dankie Erna vir jou positiewe gesindheid en ook jou deelname aan die BKT blad. Mag jy nog vir lank die BkT kuierplekkie geniet. Groete Annelien Pienaar

  2. Janet Myburg June 9, 2017 at 6:49 pm - Reply

    Annelien ek dink dit is wonderlik dat julle nou ‘n fooi aan die resepte sit. Wys maar net elke keet mense heg meer waarde aan iets waarvoor hulle betaal. Ek persoonlik dink dit is goeie waarde wat ons vir ons geld gaan kry. Baie geluk met jou boek hoop dit verkoop soos soetkoek. Ek is seker daarvan! Sterkte met jou en Sandra se werk
    Lekker naweek.

    • Annelien June 9, 2017 at 6:52 pm - Reply

      Dankie Janet. Dit is wonderlik dat die konsep so positief ondersteun word. Mag jy nog lank saam met BKT kuier en kook. Groete Annelien

    • Annelien June 10, 2017 at 5:56 am - Reply

      Dankie Janet vir die mooi boodskap. Alles gaan oor spanwerk en julle Twisters is die beste. Groete Annelien

  3. Antoinette Breitenbach June 9, 2017 at 7:22 pm - Reply

    Hi Annelien geen probleem met die kostes nie! My dogter is ook op d blad en elke nou en dan vra sy my vir n resep of raad. Ek sê elke keer sy moet op BKT kyk, maar dan doen ek dit in elk geval vir haar en tag haar net.:)n Mamma vir altyd nê !!
    Dankie vir n heerlike blad!!

    • Annelien June 10, 2017 at 11:37 am - Reply

      Wonderlik dat families saam die waarde van BKT kan geniet…so leer ons ‘n nasie van goeie kos. Dankie vir die wonderlike deelname en nuus. BKT groete Annelien Pienaar

  4. Susan Meyer June 9, 2017 at 7:26 pm - Reply

    Ek sal nogal verkies om te betaal. Dit sal my groter vrymoedigheid gee om raad te vra. Enigeiemand wat kla moet na jou kwalifikasies gaan kyk. Du so voort xxx

    • Annelien June 10, 2017 at 5:55 am - Reply

      Dankie Susan, jy moet asb altyd die vrymoedigheid he om te vra. Groete Annelien

  5. Annelize June 9, 2017 at 7:42 pm - Reply

    Dis spotgoedkoop vir al die waarde wat ons kry!

    • Annelien June 10, 2017 at 5:54 am - Reply

      So ‘n bek kort jam…dankie vir die postiewe gees. Annelien

  6. Marliese Folscher June 9, 2017 at 8:51 pm - Reply

    Ek dink dat dit billik is en sal verseker betaal. Jou resepte is wonderlik en jou harde werk dra vrugte!

    • Annelien June 10, 2017 at 5:54 am - Reply

      Hallo Marliese, baie dankie vir die wonderlike boodskap en goeie gees. Groete Annelien

  7. Thelma June 10, 2017 at 12:36 am - Reply

    Baie dankie Annelien… ek sien uit na die pad voorentoe saam met jou… en Sandra ….Groete

    • Annelien June 10, 2017 at 5:53 am - Reply

      Baie dankie…ons kan nie wag om hierdie nuwe hoofstuk saam met julle te begin nie. Groete Annelien

    • Annelien June 10, 2017 at 11:27 am - Reply

      Thelma, baie dankie en groete Annelien

  8. Alet de Bruin June 10, 2017 at 2:03 am - Reply

    Goeie More, Annelien
    Baie dankie vir my nuusbrief. Ek wil net hoor, of daar ‘n PAY PAL betalingsopsie gaan wees vir ons ouens hier oor die water, wat nog steeds Boerekos kook. Dit is gewoonlik die maklikste en veiligste opsie vir internasionale betalings.

    Baie dankie en ek hou die FB met ‘n uiloog dop, vir die nuwe resepteboek.

    Lekker dag vir julle.
    Groete hier uit Perth, Wes-Australie..

    Alet de Bruin

    • Annelien June 10, 2017 at 5:53 am - Reply

      Hallo Alet, daar gaan definitief vir julle ook ‘n opsie wees. Paypal reeds opgestel, nog net ‘n kwessie van tyd. Die boek sal ook so aangekoop kan word. Hou gerus die nuusbriewe dop. Groete Annelien

  9. Corne van Zyl June 10, 2017 at 3:00 am - Reply

    Dankie vir die nuusbrief. Ek wil deel in die resepte en sal dus betaal. Sterkte met die boek!

    • Annelien June 10, 2017 at 5:52 am - Reply

      Dankie vir ‘n positiewe gesindheid. Annelien

  10. Dolsie June 10, 2017 at 3:52 am - Reply

    Hallo Annelien ek het geen probleem om te betaal nie. Ek geniet jou resepte geweldig baie en al jou kennis wat jy net ons deel. Sien uit na jou boek!

    • Annelien June 10, 2017 at 5:51 am - Reply

      Dankie Dolsie

  11. Helen June 10, 2017 at 4:58 am - Reply

    Annelien en Sandra met groot liefde betaal ek, dankie vir jou opoffering . ekt baie geleer en leer nog steeds, di les met elke resep is a wenner. Ek is bly om a familie vn Boerekos te wees. Laat asb weet hoe ek my subskripsi kan betaal. Weereens danke Sandra en Annelien. Kan ni wag vir di boek nie. Lief julle !!!

    • Annelien June 10, 2017 at 5:51 am - Reply

      Dankie vir die mooi boodskap. Groete Annelien

    • Annelien June 10, 2017 at 11:29 am - Reply

      Hallo Helen, sommer lekker om vir sulke positiewe mense te werk. BKT groete Annelien

  12. Roline Halliday June 10, 2017 at 6:30 am - Reply

    Annelien, het glad nie n probleem om n subskribsie te betaal nie, want dan weet ek as ek n resep gaan gebruik, hy werk..het al telkemale resepte probeer, veral koekies, dan vlop hulle. Laat weet wat die bank besonderhede is

    • Annelien June 10, 2017 at 11:27 am - Reply

      Roline, baie dankie vir die positiewe gesindheid. Waardeer opreg en onthou ek help altyd! BKT groete Annelien

  13. Ancia June 10, 2017 at 7:16 am - Reply

    Annelien jou fb bladsy het my weer geinspireer om moeite te doen met kosmaak en bak – iets wat nog altyd vir my “joy” gebring het maar wat met n besige lewe eerste afgeskeep word. Ek dink my bure, vriende en familie wat almal deel in die eindresultate is nog dankbaarder as ek! Ek betaal met liefde – jy verdien om vergoed te word vir al die kennis en tyd wat jy met ons deel! Vergelyk die koste met n tydskrif prys elke maand en dan besef mens dit is n “bargain”! Sterkte met die pad vorentoe. Ancia

    • Annelien June 10, 2017 at 11:26 am - Reply

      Hallo Ancia, wat ‘n mooi boodskap en baie dankie dat jy saam Twist. BKT groete Annelien

  14. Santie June 10, 2017 at 7:51 am - Reply

    Annelien, ek betaal met liefde! Paypal is n gawe opsie vir my en ek borg baie graag sommer ook terselfdertyd n pensionaris vir n jaar!!

    • Annelien June 10, 2017 at 11:25 am - Reply

      Dankie Santie, jy gaan een van ons Twisters sommer baie bly maak. Ek sal met jou kontak maak sodra die bal aan die rol is. Liefde Annelien

  15. Annemarie Smuts June 10, 2017 at 10:48 am - Reply

    Die bietjie geld kan nie vergoed vir jou (en Sandra) se tyd, kennis en meelewendheid nie Bestanddele en data is so duur en dit moet betaal word sodat jou wonderlike werk kan aangaan. Baie dankie dat julle ons so slim maak en so help. Sterkte vir jou groot taak. Jy is vir ons so kosbaar en sonder Sandra kan jy nie aangaan nie.

    • Annelien June 10, 2017 at 11:24 am - Reply

      Annemarie, baie dankie dat jy al van die begin saam Twist. Sonder Sandra is my hande af gekap. Groete Annelien

  16. Erika Pieterse June 10, 2017 at 1:11 pm - Reply

    Ek sal dit met graagte betaal!! Jy gee sulke wonderlike wenke! Al jou resepte wat ek al probeer het is ñ wenner.Baie dankie daarvoor.En ek dink ons almal geniet jou stories, hou so aan!

    • Annelien June 10, 2017 at 5:26 pm - Reply

      Erika, dankie vir die wonderlike briefie. Dit sit wind onder my vlerke om julle nog meer te wil leer. BKT groete Annelien Pienaar

  17. Joyce Minnaar June 10, 2017 at 2:59 pm - Reply

    Dankie vir al jou harde werk. Die jaar opsie klink reg vir my.

    • Annelien June 10, 2017 at 5:26 pm - Reply

      Hallo Joyce, baie dankie vir die wonderlike gesindheid en word opreg waardeer. BKT groete Annelien

  18. Tokkie Taylor June 10, 2017 at 4:25 pm - Reply

    Hallo Annelien ek het ook geen probleem om te betaal nie. Die kennis, wenke, raad en die feit dat jy weet die resep gaan n sukses wees kan nie in rande en sente gemeet word nie. Dan het jou stories al soveel keer ook met n “les” en n lekker lag gekom. Baie dankie vir alles wat jy en Sandra vir ons beteken ons waardeer.

    • Annelien June 10, 2017 at 5:25 pm - Reply

      Hallo Tokkie,

      Baie dankie vir die wonderlike gesindheid met die BKT resepte. Hoop jy Twist vir lank nog saam. BKT groete Annelien

  19. Santa Bester June 10, 2017 at 5:23 pm - Reply

    Lief Annelien.
    soos voorheen genoem ondersteun ek hierdie gedagte om ‘n maandelikse fooi te verhaal met my hele hart. Mens moet na jouself ook kyk tov tyd, finansies, moeite en veral die deurgee van kennis met onskatbare waarde.
    Die spreekwoord van “Charity begins at home” is verseker in hierdie geval baie relevant beide vir jou en Sandra.
    liefdegroete
    t Santa

    • Annelien June 10, 2017 at 5:24 pm - Reply

      Baie, baie dankie vir tannie se positiewe gesindheid. Word opreg waardeer. Liefde Annelien

  20. Maritha du Plessis June 10, 2017 at 7:34 pm - Reply

    Dankie Annelien dit is baie billik betaal dit graag dankbaar vir die jaar opsie maak dit net soveel makliker as maandeliks. Jy dink ook aan alles en kosidereer elkeen . Gaan jy vir ons jou banlbessonderhede laat weet?

    • Annelien June 11, 2017 at 6:26 pm - Reply

      Maritha, moenie kommer oor die betalings nou nie, solank julle net bewus is van die nuwe blaadjie. Dit gaan maklik wees en julle sal elk ‘n kode ontvang om toegang tot die resepte afdeling te bekom. Sodoende kan ons die skelms se aksies stuit om resepte te steel. Groete Annelien

  21. Amanda June 10, 2017 at 8:17 pm - Reply

    Baie dankie Annalien. Dit is bekostigbaar vir my en ek wil graag deel asb. So weet ek ek kan die stories en wenke en beproefde resepte nog lees. Ek is raadop met sommige se oeps resepte. Mooi aand vir jou en Sandra , mede twisters

    • Annelien June 11, 2017 at 6:25 pm - Reply

      Dankie Amanda vir die boodskap en die positiewe gesindheid. Groete Annelien

  22. Ina Steele June 10, 2017 at 8:31 pm - Reply

    Dankie Annelien vir harde werk en dat ons kan deel daarin. Hou ons asb op hoogte van betalings-proses.

    • Annelien June 11, 2017 at 6:24 pm - Reply

      Hallo Ina, julle sal met die weeklikse nuusbriewe wel die instruksies ontvang. So, moenie kommer ek gaan die oorgang so gemaklik moontlik maak. Groete Annelien

  23. Inz Calitz June 12, 2017 at 7:30 am - Reply

    Annelien, met graagte betaal ek die 12 maande subskripsie. Hoekom dit nie sommer 24 maande maak nie, dis net makliker. Ek sal ook met Paypal betaal, alternatiewelik kan jy miskien ”n opsie oorweeg van ‘n debietorder? Nietemin, ek betaal graag. En ek is baie opgewonde oor jou boek. Baie dankie vir jou wonderlike blad en epos wat ons ontvang. Jy is ‘n ster!!

  24. Inz Calitz June 12, 2017 at 7:31 am - Reply

    Annelien, met graagte betaal ek die 12 maande subskripsie. Hoekom dit nie sommer 24 maande maak nie, dis net makliker. Ek sal ook met Paypal betaal, alternatiewelik kan jy miskien ”n opsie oorweeg van ‘n debietorder? Nietemin, ek betaal graag. En ek is baie opgewonde oor jou boek. Baie dankie vir jou wonderlike blad en epos wat ons ontvang.

    • Annelien June 12, 2017 at 12:08 pm - Reply

      Hallo Ina, sommer lekker as die BKT lede so positief is oor my werk. DAnkie Annelien

  25. Marietjie Coetzee June 12, 2017 at 7:43 am - Reply

    Annelien, ek betaal met graagte. Waardeer jou moeite en tyd wat jy insit om raad te gee en jou resepte met ons te deel.

    • Annelien June 12, 2017 at 12:07 pm - Reply

      Dankie vir die goeie gesindheid rakende BKT! Groete Annelien

  26. Sonja Nortje June 12, 2017 at 10:12 am - Reply

    Sal met liefde betaal vir al die waardevolle inligting wat jy so mildelik met ons deel. Dit is verseker die beste Bakkiesblad wat ek op is. Jou staaltjies sit sommer dadelik ‘n glimlag op my gesig!

    • Annelien June 12, 2017 at 12:06 pm - Reply

      Dankie dat jy so heerlik saam Twist…mag ons nog vir jare SA aan die brand kook. Groete Annelien

  27. Gerda Hammond June 12, 2017 at 12:28 pm - Reply

    BKT was vir my so groot inspirasie, dit het veroorsaak dat ek nou vir my ‘n “special” oond gaan koop het om nou regtig meer “effort” in te sit met die bakery. Is moeg gesukkel met die oond en sy temperature wat so rondvoeter, was dit nie vir jou aanmoediging en hulp nie, het ek nooit so ver gekom om die groot stap te neem nie, want, jou resepte is floploos en nou is dit ‘n groot verslawing net om te kan bak. Dankie vir jou onselfsugtige diens, ten spyte van jou besige skedule om ons altyd uit te help waar jy kan. Baie dankie Annelien.

    • Annelien June 12, 2017 at 12:36 pm - Reply

      Sommer sulke wind onder die vlerke lekker kry as mens sulke boodskappe kry. Die feit dat jy die waarde van my werk sien en dit toepas. Mag jou nuwe oond vir jou nog ure se plesier verskaf en die kombuis jou gunsteling “me-time” wees. Groete Annelien

  28. BUKSIE VAN STADEN June 13, 2017 at 3:40 pm - Reply

    baie dankie dat ek mag deel in hierdie wonderlike idee van jou en vir my is dit ‘n baie bekostigbare diens wat jy lewer vir elkeen wat daarvan hou om te bak en brou Asb wanneer jy eendag tyd kry? …. ha ha ha …. moet jy beslis ‘n boek skryf. Ek en vele geniet jou fillistyne … Ons hou die emails dop om bank besonderhede te vind en te vereffen BAIE LIEFDE XXXX

    • Annelien June 13, 2017 at 3:49 pm - Reply

      Hallo Buksie, baie baie dankie vir die lekker briefie. Eendag sal ek wanneer die bene nie meer wil hol, die drade begin uitsorteer en skryf. Glo my, ek dink daar is nie genoeg papier vir die daaglikse dinge nie. Dankie dat jy altyd so positief saam Twist. Groete Annelien

  29. rista.greyvenstein June 13, 2017 at 8:18 pm - Reply

    Baie dankie vir jou unieke blad. Jy het bitter hard gewerk om te bereik. Ek gee ook nie om om die subsrkribsie te betaal nie. Ek is baie bly jy het nie handdoek ingegooi nie. Ek sê ook baie dankie vir die nuusbrief en resepte sover. Ek sien uit na jou resepteboek. . Groete Rista

    • Annelien June 14, 2017 at 4:55 am - Reply

      Hallo Rista, dit is wonderlik om van jou te hoor. DAnkie vir die mooi briefie. BKT groete Annelien

Leave A Comment