Brandewyn tert…Malvapoeding…wat is in ‘n naam!

Brandewyn tert…Malvapoeding…wat is in ‘n naam!

Daar is tydig en ontydig ‘n stryery in my familie wat is nou die ware Jakob. Malvapoeding met brandewyn of sonder brandewyn…of is ‘n Brandewyn tert nie ook ‘n Malvapoeding nie? Ja, lag ek stilweg, want julle eet in elk geval alles op sonder om te kla. Hierdie resep is heerlik klam, vries ongelooflik goed en ‘n ware rand rekker as dit moet.

200 g (1 k) sagte bruinsuiker (treacle sugar)
1 eier
15 mℓ (1 e) botter
60 mℓ (4 e) appelkoos konfyt
140 g (1 k) koekmeel
5 mℓ (1 t) koeksoda
knippie sout
250 mℓ (1 k) Ideal melk of room of kombinasie
15 mℓ (1 e) wit asyn
5 mℓ (1 t) vanielje geursel

Voorverhit oond na 180 C en berei ‘n langwerpige pan voor van 19 cm x 15 cm.

Klits botter, suiker, eier en appelkoos konfyt saam tot baie lig en romerig.

Sif die koekmeel, koeksoda en sout saam.

Meng al die vloeistowwe saam.

Meng die mengsels om die beurt met mekaar.

Bak by 180 ˚ C vir 30 minute.

Stroop
500 mℓ (2 k) Ideal melk of room of melk of kombinasie
115 g (½ k) botter
125 mℓ (½ k) bruinsuiker
60 mℓ (4 e) warm water

Verhit al die bestanddele saam en gooi warm oor die pas gebakte koek. Die koek mag nie afkoel nie dit moet dadelik met die stroop bedruip word.

Variasies: Voeg by sous 4 e brandewyn of Amarula, Cape Velvet of geur van jou keuse.

Bron: Annelien Pienaar, 2011

Porsies: 6

Print Friendly, PDF & Email
2017-08-21T20:07:33+00:00 0 Comments

Leave A Comment