Choc-oh-my muffins!

Choc-oh-my muffins!

Wanneer laas het jy ‘n heerlike klam en ryk kolwyntjie teëgekom wat letterlik net twee stappe is, met geen mengers wat uitgehaal word, min skottelgoed? Wel, hier is die antwoord! As jy die kolwyntjie oopbreek terwyl dit so louwarm is, loop daar nog sjokolade uit die holtes en die reuk is absoluut onweerstaanbaar. Veral as jy soos ek…reeds by nommer drie moet briek aandraai, die Filistyne moet ook kry! Eureka Mills se steengemaalde koekmeel lewer hierdie heerlike gebak.

310 g (2 k + 2 e) Eureka mills steengemaalde koekmeel
90 g (¾ k) kakao
15 mℓ (1 e) bakpoeier
2.5 mℓ (½ t) koeksoda
knippie sout
300 g (1 ½ k) sagte bruinsuiker (treacle sugar)
115 g (½ k) botter, gesmelt
400 mℓ (1 ¾ k) karringmelk
2-3 eiers
150 g splinter sjokolade

Voorverhit oond na 180 ℃ en voer 12 kolwyntjie pannetjies met papiertjies uit. Moenie die papiertjies spuit nie, dit sal lostrek nadat dit gebak is. Die mengsel is reeds baie ryk.

Sif koekmeel, kakao, bakpoeier, koeksoda en sout saam. Meng die bruinsuiker met botter, karringmelk en 100g van die sjokolade.

Voeg die droë bestanddele by die vloeistowwe en meng met draadklitser totdat al die bestanddele gemeng is.

Skep in kolwyntjies, sprinkel met oorblywende sjokolade splinters en bak vir 30 minute tot gaar, haal kolwyntjies dadelik uit pan en laat effens afkoel. Bedien louwarm.

Bron: Annelien Pienaar, Sjokolade klas, 2016
Hoeveelheid: 12 medium grootte kolwyntjies

Print Friendly, PDF & Email
2017-06-22T08:54:29+00:00 2 Comments

2 Comments

  1. Annette May 12, 2017 at 6:59 am - Reply

    Hi Annelien,

    Ek wil by jou hoor, as mens vleis verbruin, hoe keer jy dat jou hele werksoppervlak en plate vol olie spat.

    Ek stel my plaat hoog, maar die gespattery maak my moeg.

    Enige raad?

    • Annelien May 12, 2017 at 6:36 pm - Reply

      Hallo Annette, hoekom koop jy nie vir jou ‘n spatter guard nie? Dit is ‘n deksel wat geperforeer is wat wel stoom deur laat en die spat uitskakel?

Leave A Comment