Cheese Griller Souttert

Cheese Griller Souttert

Vrieskas vriendelike resep gebak en ongebak. Vir my gesin die perfekte idee van “Kits-kos” wat bedien word met ‘n heerlike groen tuinslaai en vrugtesap. Kleinste Filistyn van my noem hierdie “Pizza-paai”!

Kors:
100 g cheddar kaas, gerasper
100 g botter of bakkers margarien, geraper
100 g koekmeel

Plaas in voedselverwerker en maak fyn soos broodkrummels. Druk in 19 cm x 25 cm oondvaste pan. Plaas eenkant en voorverhit oond na 180 ℃.

Vulsel:
250 g sampioene, gesnipper
1 medium ui, fyngekap
1 t knoffel
500 g cheese griller worsies, wieletjies gesny
45 mℓ olyfolie of sonneblom olie
6 eiers
½ t gerookte paprika
1 t gedroogde origanum
3 e koekmeel
250 mℓ room
45 g bloukaas (opsioneel)

Braai uie, sampioene in olyfolie totdat al die vog van die sampioene uitgebraai is. Voeg dan die knoffel by en braai vir 1 minuut. Haal van plaat en voeg die worsies by.

Meng koekmeel met room en roer goed deur met draai klitser sodat meel nie klonte maak nie. Voeg eiers, paprika, origanum, sout en peper na smaak, en gekrummelde bloukaas by en meng weer deeglik.

Voeg die afgekoelde worsies by die eiermengsel en giet in voorbereide kors. Bak vir 45 minute tot gestol. Bedien koud of warm.

Hierdie resep bak ook perfekte individuele porsies maar verkort die baktyd na ongeveer 25-30 minute by 180℃.

Porsies: 6 persone
Bron: Annelien Pienaar, 2017, www.bosenbergguestfarm.co.za

 

Print Friendly, PDF & Email
2017-04-04T14:04:22+00:00 4 Comments

4 Comments

  1. Kittie Van Heerden April 7, 2017 at 11:02 am - Reply

    Annelien teken my in asb

    • Boerekos April 7, 2017 at 11:06 am - Reply

      Hallo Kitty. Wanneer jy met die selfoon werk moet jy afscroll totdat jy die opsie sien vir Newsletter en jou details daar in vul om die nuusbrief elke vrydag middag om 17h00 te ontvang. Verder as jy op rekenaar of tablet werk sal jy aan die regter kant halfpad af teen die page ook dieselfde opsie vir Newsletter sien en vul in. Groete Annelien…PS: ek het jou geregisteer en loer asb na jou inbus om die registrasie te confirm.

  2. Leonie Dippenaar April 13, 2017 at 11:15 am - Reply

    Hi
    Ek stel belang in die weeklikse nuusbrief asb…hoe gaan ek te werk. Wat is kostes?
    Baie dankie
    Leonie Dippenaar

    • Boerekos April 13, 2017 at 12:00 pm - Reply

      Die Newsletter is ‘n gratis diens. U kan inteken deur na die webtuiste te gaan http://www.annelienpienaar.co.za en dan op die Newsletter gedeelte u naam en epos adres in te vul. U sal ‘n epos ontvang wat vra om die subskripsie te confirm. Laat weet as u nie reg kom nie. Groete A

Leave A Comment