Chocolate Brownie stroop koek

Chocolate Brownie stroop koek

 Hierdie koek neem 25 min om te maak en te bak, nog 20 min vir afkoel en daarna kan jy versier na hartelus. Onthou met silikoon panne kan jy die koek in die pan vrieskas toe neem as dit afgekoel het…rus vir ’n uur voordat jy dit ontvorm. Silikoon panne bak langer as metaal panne wat goeie geleiding het. Dus moet die baktyd vir Silikoon panne in die oond met 15 minute verleng word en die bak temperatuur met 5 ℃.

Voorverhit oond na 180 ℃ en smeer ’n 23-25 cm ringkoekpan.

 

 

Klits vir 5 minute saam:

300 g (1 ½ k) witsuiker
6 jumbo eiers
190 mℓ (¾ k) sonneblom of canola olie
190 mℓ (¾ k) kraanwater
15 mℓ (1 e) vanieljegeursel

Sif saam:

210 g (1 ½ k) koekmeel
15 mℓ (1 e) bakpoeier
Knippie sout
45 mℓ (3 e) kakao

Voeg die twee mengsels saam en meng goed deur. Giet in voorbereide vorm.

Oond bak met Silikoon vorm: Plaas versigtig op bakplaat en bak vir 70 minute tot gaar.

Oond bak met metaal pan: Bak 60 minute by 180 ℃.

Mikrogolf bak met Silikoon vorm: 16 minute by vol krag vir 650-950 watt oonde.

Los koek om in vorm af te koel…plaas vir ‘n uur in die vrieskas om ferm te word. Berei solank dan die sous soos volg voor:

Stroop
100 mℓ witsuiker
100 mℓ kakao
100 mℓ kraanwater
100 mℓ botter
100 mℓ gouestroop of kondensmelk
100 mℓ mielieblom
100 mℓ room (voeg eers by as mengsel van die stoof kom)

Plaas witsuiker, kakao, kraanwater, botter, gouestroop in kastrol en verhit. Kook vir 5 minute saam tot verdik, haal van hitte en roer room by. Laat afkoel by kamertemperatuur. Sodra koek gereed is, ontvorm koek en giet die sous oor. Die sous sal dadelik stol op die koue koek. Koek kan natuurlik oornag gelos word voordat die sous oorgaan…jou keuse hoe haastig jy is.

Hoeveelheid: 1 groot koek of 12 kolwyntjies

Print Friendly, PDF & Email
2017-03-26T13:48:02+00:00 4 Comments

4 Comments

  1. Theuria Steyn April 2, 2017 at 3:51 pm - Reply

    Hi,

    Annelien, die koek lyk pragtig, maar vasgeval met die sous, te dik, effe klonterig,
    Help asb , ek vermoed lesing v maziena nie tiptop of te lank gekook. Help

    Theuria Steyn
    kruisement@gmail.com

    • boerekos April 2, 2017 at 3:55 pm - Reply

      Hallo Theuria,

      Onthou om altyd die mielieblom eers op te los met water of enige ander vog. Dan moet jy bly roer met ‘n ballon klitser sodat daar nie klonte vorm nie. Roer is die geheim van die sous. Onthou die room kom altyd heel laaste by as die potjie van die stoof verwyder word.

  2. Petro Calitz April 9, 2017 at 2:19 pm - Reply

    Add my asb

    • Boerekos April 9, 2017 at 6:38 pm - Reply

      Jy sal vrydag aand laat jou nuusbrief van die week ontvang. Groete Annelien

Leave A Comment