Botterskorsie en Cous-cous slaai

Botterskorsie en Cous-cous slaai

Cous-cous is my noodhulp vir ‘n situasie wat kits slaai benodig. Ek noem dit my alles-in-een slaai: stysel, groente, olie en neute. My kinders is dol oor die slaai en ek pak gereeld vir hulle kosblikke vir na skool met sport en aktiwiteite. Gesond en heilsaam.

1 ½ k cous-cous
3 e olyfolie
1 k kook water
1 t geelsout (resep op blog) of enige ander gegeurde sout
1 t fyn knoffel
1 t vars gemaalde swart peper
400 g gaar botterskorsie blokkies
200 g feta kaas
1 k kersie tamaties
5 basillie blare
3 e olyfolie
3 e balsamiese asyn

Plaas cous-cous in ’n bak en roer die olyfolie, knoffel en geelsout by. Voeg die koppie kookwater by en roer goed deur. Bedek met kleefplastiek en laat eenkant staan vir 5 minute. Roer goed deur sodat vlokkies skei.

Voeg die res van die bestanddele by mekaar en roer goed. Voeg dan by die cous-cous en roer goed deur. Bedien louwarm of koud.

Heerlik om te laat vir die volgende dag. Kan bedien word met een van die slaaisouse in ons sous argiewe. Die yoghurt sous is heerlik.

Bron: Annelien Pienaar, www.bosenbergguestfarm.co.za

Hoeveelheid: 6 porsies

 

Print Friendly, PDF & Email
2017-04-27T12:58:29+00:00 2 Comments

2 Comments

  1. Petro November 3, 2017 at 4:20 am - Reply

    Baie dankie. Die resep kon nie op n beter tyd kom nie. My gluten (nou allergies en nie meer intollerant), vegetariese kind en haar Duitse liefde (ook vegetaries) val toe gisteraand hier in die Bosveld uit soos piekniekskons. Bly om hulle te sien, maar o wee! my verstand werk oortyd en 10 dae se kuier klink nou lank. Ek gaan jou resepte BAIE gebruik! Dankie!

    • Annelien November 3, 2017 at 10:08 am - Reply

      Sterkte en krap lekker hier tussen die resepte, jy sal wel geholpe raak. Geniet die kuier en goed gaan. Groete Annelien

Leave A Comment