Soetsuur Rissies / Peppadews / Soetrissies

Soetsuur Rissies / Peppadews / Soetrissies

Ek weet nie van julle nie, maar rissies is nou die een groente wat by my oorneem en baie vruggies produseer. Peppadews of te wel Capsicums is geneig om ook so welig te groei. Die kleur is een van die goed wat my seker die meeste opval en ek hou daarvan om kleurvolle kos voor te sit.

Hierdie resep is geskik vir alle rissie families.

1 liter (4 k) water
500 mℓ (2 k) witasyn
300 g (1 ½ k) witsuiker
½ t sout
15 mℓ (1 e) piekel speserye
15 mℓ (1 e) geel mosterd saad
15 mℓ (1 e) knoffel

Dompel die vruggies met stingels en al (behalwe soetrissies wat in repe gesny moet word) in kokende water vir letterlik 2 minute. Ons doen dit om die kleur van die vrug te bewaar en te voorkom dat die vruggies ouvrou plooie maak…en krimp in die bottel. Plaas dadelik in koue water om die kookproses te stop. Nou is dit maklik indien verkies om die stingels uit te trek.

Was en steriliseer die bottels. Hou die bottels warm in die oond by 120 ℃.

Kook al die bestanddele saam vir 10 minute. Pak solank al die vruggies dig teen mekaar in die bottels en giet die warm pekel oor die vrugte. Bottel dadelik.

Rak lewe: 3 maande, in die yskas: 6 maande

Hoeveelheid: 8 x 375 mℓ botteltjies

Print Friendly, PDF & Email
2017-03-29T20:54:51+00:00 0 Comments

Leave A Comment